Dijkhoff Learning Unlimited • kurso


home
nos aktividatnan
kurso
ken nos ta
notisia
kontakto
Kurso 1: Papiamentu Orientashon Sosial
E nivel di e kurso ta básiko avansá. Si bo no tin e nivel aki bo mester sigui  kurso 5 (nivel di prinsipiante) promé. Nos a hasi eskoho pa integrá metanan di idioma di nivel A2 ku metanan di orientashon sosial. Esaki ta pone ku e kurso ta prepará bo tantu pa Parti 1 komo pa Parti 2 di e èksamen di naturalisashon.

Komunikashon aktivo ta primordial. Bo abilidat den diferente situashon (personal, públiko, laboral) ta punto di salida pa trata temanan sosial, kultural i polítiko.

Ta trein ku material outéntiko (teksto, oudio i video) i bo mester komuniká, interaktá i traha tarea dirigí riba abilidatnan reseptivo (skucha,lesa i komprondé) i produktivo (papia i skibi) kombiná ku ampliashon di vokabulario.

Kada seshon ta konsta di 4 ora di lès, 2 be pa siman, durante 12 siman i 4 ora di tèst .

Kurso 2: Hulandes Nivel A2
Kurso 2 tambe ta obligatorio pa stranhero ku ke haña nashonalidat i pasport hulandes. E level ta meskos ku esun di kurso 1, pero e idioma pa siña aki ta hulandes. Despues di Kurso 2 bo por pasa Parti 3 di e eksamen di naturalisashon, manera preskribí pa gobièrnu hulandes. Ta pasa eksamen riba kòmpiuter, ku eksepshon di abilidat di papia.

Kurso 3: Papiamentu Nivel A2
Kurso 3 tin mesun nivel ku kurso 1, pero bo mes ta determiná e kontenido. Temanan por trata término bankario, salubridat, ekonomia i negoshi, deporte òf edukashon.

Kurso 4: Ingles Nivel A1 òf A2, nivel di prinsipiante i nivel basikó avansá

Kurso 5: Papiamentu: Nivel A1, nivel di prinsipiante

Metanan mas spesífiko di Nivel A1 i A2 ta optenibel via e-mail.

Nivel A1 i A2 ta deskribí den e Kuadro Komun di Referensia di e Konseho di Europa.
Formulario di inskripshon na spañó
Yena e formulario aki si bo ke sigui un kurso.
(14-09-2011)
Download
Developed with QwikZite (version 1.12)