Dijkhoff Learning Unlimited • ken nos ta


home
nos aktividatnan
kurso
ken nos ta
notisia
kontakto
Dijkhoff Learning Unlimited ta konsehá bo riba tur tereno kaminda konosementu i idioma ta bin huntu. Nos ta traha maneho di idioma pa instansia privá i di gobièrnu. Nos por yuda bo optimalisá kompetensia di bo trahadónan dunando kontenido i forma na bo plan di desaroyo. Nos por formulá un plan di rekapasitashon pa bo. Nos ta duna kurso i guia personal di idioma riba diferente nivel, for di esun mas abou te esun di mas haltu. I nos eksperiensha ta tantu nashonal komo internashonal.

Nasí i lantá na Kòrsou, el a sirbi su pais Antia komo Minister di Enseñansa, Kultura, Deporte i Asuntunan di Hubentut di 1994 pa 1998. Komo tal el a kuminsá i dirigí henter e proseso di inovashon ku aworakí ta den ehekushon na tur isla di Antia. Ademas el a traha komo konsehero pa diferente instansia na momentu ku kambionan kompleho na trabou a bai kompañá ku siñamentu.

Marta Dijkhoff ta un profeshonal ku kapasidat di lider, pero e gusta traha den tim i e ta funshoná preferibel-mente den situashonnan di liderazgo kompartí. Su abilidat komunikativo ta ekselente, su kompetensia analítiko i stratégiko ta bon desaroyá i su bista di presente semper ta inkalkulá desaroyonan di futuro. Marta ta un negoshadó i mediadó di kaliber, kreativo, fleksibel i dirigí riba resultado. E ta papia su idioma materno Papiamentu riba nivel haltu, banda di Hulandes, Ingles i Spañó, i e por defendé su mes den Franses, Portugues i Aleman.
Developed with QwikZite (version 1.12)