Dijkhoff Learning Unlimited • nos aktividatnan


home
nos aktividatnan
kurso
ken nos ta
notisia
kontakto
Dijkhoff Learning Unlimited ta konsehá bo riba tur tereno kaminda konosementu i idioma ta bin huntu. Nos ta traha maneho di idioma pa instansia privá i di gobièrnu. Nos por yuda bo optimalisá kompetensia di bo trahadónan dunando kontenido i forma na bo plan di desaroyo. Nos por formulá un plan di rekapasitashon pa bo. Nos ta duna kurso i guia personal di idioma riba diferente nivel, for di esun mas abou te esun di mas haltu. I nos eksperiensha ta tantu nashonal komo internashonal.

Ora bo ripará komo doño di trabou ku bo personal no ta disponé di sufisiente kompetensia pa ehekutá nan trabou, Dijkhoff Learning Unlimited por ofresé bo servisio dirigí. Nos ta analisá bo deseo i nesesidatnan stratégiko, desaroyá profil di bo trahadó ideal i fórmula un solushon den forma di guia, rekapasitashon òf konosementu.

Si komo direktor di un instituto di enseñansa, lider di un organisashon laboral, doño òf direktor di un kompania bo ke haña kontesta riba un tema ku bo ke enkuadrá den un proseso di siñamentu òf rekapasitashon, Dijkhoff Learning Unlimited por yuda bo formulá bo pregunta i ofresé bo e kontesta. Nos ta analisá i evaluá kompetensia personal, formulá meta pa kapasitashon i elaborá riba e proseso didáktiko-pedagógiko di bo plan stratégiko. Nos ta traha ademas plan di ehekushon a base di e falta di konosementu ku bo ta òf a eksperensiá.

Dijkhoff Learning Unlimited ta kreativo, fleksibel i dirigí riba resultado. Bo ta en buska di desaroyo profeshonal di bo alumno, trahadó òf kliente? Serka nos bo a yega kas.
Developed with QwikZite (version 1.12)